Roma staðfestir áhuga á Benayoun

Luciano Spalletti, þjálfari Roma, hefur staðfest að Yossi Benayoun sé á óskalista sínum. Ísraelski landsliðsmaðurinn hefur sjálfur sagt að hann vilji vera áfram hjá Liverpool og berjast fyrir sæti sínu.

Rafael Benítez, stjóri Liverpool, gæti þó verið opinn fyrir því að selja Benayoun fyrir rétta upphæð til að fjármagna kaup á öðrum leikmönnum. Fyrr í sumar keypti Roma John Arne Riise frá Liverpool og gæti Benayoun verið á sömu leið.

Spalletti vill bæta miðjumönnum í hóp sinn eftir að hafa misst Amantino Mancini til Inter og Ludovic Giuly til Paris Saint Germain. Auk Benayoun er Jeremy Menes hjá Monaco á óskalista hans.