Ronaldo og Torres koma til greina

FIFA tilkynnti í dag hvaða leikmenn höfnuðu í efstu sætum í kosningu á besta leikmanni ársins. Það eru landsliðsþjálfarar og fyrirliðar um allan heim sem kjósa.

Cristiano Ronaldo hjá Manchester United og Fernando Torres hjá Liverpool eru báðir í þessum hópi. Auk þeirra eru það þeir Kaka hjá AC Milan og þeir Lionel Messi og Xavi hjá Barcelona.

Ronaldo er talinn líklegastur til að hljóta verðlaunin en hann var á dögunum valinn leikmaður ársins í Evrópu. Hann skoraði 42 mörk fyrir Manchester United á síðasta tímabili en liðið varð Evrópu- og Englandsmeistari.