Adam Johnson til Real Madrid?

Adam Johnson, leikmaður Middlesbrough og enska U21 landsliðsins, er á óskalista spænska stórliðsins Real Madrid.

Juande Ramos reyndi á sínum tíma að kaupa Johnson til Tottenham og nú vill hann fá leikmanninn til spænska stórliðsins.

Johnson er ekki fastamaður í liði Middlesbrough en talað er um að Stewart Downing gæti verið á leið frá liðinu í janúar og þá opnast möguleikar fyrir Johnson.

Gareth Southgate, stjóri Boro, hefur mikið álit á Johnson og því ljóst að hann mun gera sitt besta til að halda leikmanninum.

Aðrir sem fjölmiðlar telja vera á óskalista Juande Ramos eru Aaron Lennon hjá Tottenham, Lassana Diarra hjá Portsmouth, Marek Hamsik hjá Napoli og Zdravko Kuzmanovic hjá Fiorentina.