Scolari vill vinna alla bikara

Luiz Felipe Scolari, stjóri Chelsea, segir liðið ætla að stefna á að vinna allar fjórar keppnirnar sem það tekur þátt í á næstu leiktíð því það hafi fulla burði til þess.

"Við erum í fjórum mótum næsta tímabil og ég vil vinna alla bikara í boði líkt og leikmennirnir. Það verður gríðarlega erfitt en við erum með liðið í það. Chelsea hefur gefið mér allt sem ég þarf. Leikmenn gera stundum mistök, en það fylgja alltaf einhver mistök í þessu. Ég get sætt mig við mistök ef menn æfa vel og ef leikmennirnir leggja sig alla fram - ber ég ábyrgð á restinni," sagði Scolari.