Harry prins fer ekki til Íraks

Harry prins, sonur Díönu og Karls Bretaprins, verður ekki sendur með breska hernum til Íraks, vegna hótana sem borist hafa. Þetta sagði Richard Dannatt, yfirmaður breska herráðsins í gær.

„Þessar hótanir stofna bæði honum og félögum hans í meiri hættu en svo að ég telji það viðunandi,“ sagði Dannatt. Frést hefur af því að myndum af honum hafi verið dreift í Írak.

Í Írak hefði Harry stjórnað tólf manna skriðdrekasveit. Samkvæmt skrifstofu Harrys er prinsinn afar vonsvikinn, en ætlar þó ekki að hætta í hernum.