Arsenal vill Afellay

Arsenal hefur áhuga á miðjumanninum Ibrahim Afellay sem leikur með PSV Eindhoven í Hollandi. Þessi 21. árs leikmaður hefur spilað mjög vel í hollensku deildinni en hann kemur upp úr unglingastarfi PSV.

Afellay gat valið milli þess að spila fyrir Holland eða Marokkó en ákvað á þessu ári að leika fyrir hollenska landsliðið.

Talið er að fyrrum stjóri hans, Ronaldo Koeman sem nú er hjá Valencia, hafi einnig áhuga á þessum leikmanni. Arsenal er þó talið líklegra til að krækja í leikmanninn en njósnari frá liðinu var að fylgjast með honum um helgina.

Ljóst er að Afellay mun kosta sitt en PSV vill halda honum hjá félaginu.