Klæmist á netinu fyrir leiki

Enski landsliðsmaðurinn Ashley Young tók bókstaflega til hendinni áður en hann spilaði sinn fyrsta leik fyrir Englendinga gegn Rússum í síðasta mánuði. Hinn 22 ára gamli Young skellti sér þannig á netið og átti frjálsleg samskipti við stúlku.

Nóttina fyrir leikinn virðist sem Young hafi verið farið að leiðast þar sem hann fór á netið og setti sig í samband við stefnumótasíðu þar sem hann hitti Söru Taylor klukkan að ganga tvö um nóttina. Það er breska blaðið News of the World sem greinir frá þessu um helgina.

Hann beið ekki boðanna og eftir að hafa sagt stúlkunni "hvað hann langaði að gera með henni" - reif hann sig úr fötunum og fór að gæla við sig í gegn um vefmyndavél.

"Mér krossbrá. Ég ætlaði á netið til að daðra aðeins en þá fékk ég skilaboð frá manni sem sagðist vera í Moskvu í viðskiptaerindum. Hann var ósköp almennilegur í fyrstu, en svo reif hann sig úr og fór að veifa vininum framan í myndavélina. Ég átti ekki til orð yfir því að einhver gæti verið svona blygðunarlaus svona fljótt. Hann var með álitlegan pakka, en það var ótrúlegt að sjá hann byrja að veifa honum svona fljótt," sagði Taylor.

Young, sem leikur með Aston Villa, kom inn sem varamaður hjá Englendingum daginn eftir þar sem liðið tapaði 2-1 og þurfti eftir það á kraftaverki að halda til að komast á EM.

Young var þó ekki hættur að leika sér á netinu og hafði samband við Taylor aftur nokkrum dögum síðar þó hann eigi kærustu.

"Hann vildi ólmur að ég hringdi í sig og bað mig að senda sér dónaleg skilaboð til að staðfesta að ég hefði áhuga. Ég hringdi í hann til að heyra hvernig hann væri en hann vildi fljótt aftur fara aftur á netið til að klæmast. Hann hamaðist ákaft og kláraði sín mál og ég trúði ekki mínum eigin augum þegar hann fór af netinu klukkan hálftvö um nóttina," sagði Taylor.

Hún segist hafa furðað sig á því að Young væri á hótelherbergi í viðskiptaerindum á föstudagskvöldi. Hana grunaði að hann væri knattspyrnumaður og komst að því hver hann var eftir smá rannsókn á netinu.

Þar með var sögunni ekki lokið því News of the World prófaði að senda tálbeitu inn á netið á þessa sömu stefnumótasíðu og Young lét ekki á sér standa. Hann setti sig í samband við stúlkuna á tveimur mínútum og lét klúrum skilaboðum rigna yfir hana í tvær klukkustundir.

Daginn eftir skoraði hann svo mark í 4-0 sigri Villa á Blackburn.