Níu lærisveinar Ferguson þjálfa á Englandi

Sir Alex Ferguson hefur stýrt liði Manchester United í 21 ár með frábærum árangri. Hann hefur líka alið af sér nokkra góða leikmenn sem síðar hafa gerst knattspyrnustjórar í fjórum efstu deildunum á Englandi.

Eins og flestir vita eru þrír af knattspyrnustjórunum í ensku úrvalsdeildinni fyrrum leikmenn Ferguson hjá Manchester United - þeir Roy Keane stjóri Sunderland, Steve Bruce hjá Birmingham og Mark Hughes hjá Blackburn.

Einn fyrrum leikmaður Ferguson, goðsögnin Bryan Robson, er í dag stjóri Sheffield United í næstefstu deild (Championship). Enginn fyrrum leikmaður hans er stjóri í 1. deildinni, en hvorki meira né minna en fimm fyrrum leikmenn hans eru við stjórnvölinn hjá liðum í 2. deildinni.

Þetta eru þeir Chris Casper hjá Bury, Paul Ince hjá MK Dons, Mark Robins hjá Rotherham, Brian Carey hjá Wrexham og síðast en ekki síst Darren Ferguson hjá Peterborough - sem er sonur Sir Alex.