Cudicini er besti varamarkvörðurinn

Hætt er að fari nú um stuðningsmenn Chelsea sem standa frammi fyrir því að verða jafnvel án bæði John Terry og Petr Cech þegar liðið mætir Everton á sunnudaginn. Síðast þegar þeir félagar voru frá á sama tíma, hrundi leikur liðsins eins og spilaborg.

Frank Lampard viðurkennir að það komi illa við liðið að missa tékkneska markvörðinn, en bendir á að varamaður hans sé fær í flestan sjó. Cech þurfti að fara af velli í leik Chelsea í Meistaradeildinni í gær vegna meiðsla á kálfa og það kemur væntanlega í ljós í kvöld hvað meiðslin eru alvarleg.

"Carlo Cudicini er án efa besti varamarkvörður sem völ er á og það er aðeins frábær frammistaða Cech sem hefur orðið til þess að hann var ekki í byrjunarliðinu. Hann hefur alltaf verið atvinnumaður fram í fingurgóma og þegar hann kemur inn í liðið, spilar hann alltaf eins og hann hafi aldrei sest á bekkinn," sagði Lampard í samtali við Daily Mail.