Neitar deilum við Gilberto

Arsene Wenger, knattspyrnustjóri Arsenal, blæs á þær sögusagnir að ósætti sé milli hans og miðjumannsins Gilberto Silva. Leikmaðurinn brasilíski hefur misst sæti sitt í byrjunarliði Arsenal þar sem Cesc Fabregas og Mathieu Flamini hafa náð vel saman á miðjunni.

„Það er ekkert til í því að eitthvað ósætti sé milli okkar. Mér finnst það í raun móðgandi fyrir jafn mikinn atvinnumann eins og Gilberto að þurfa að hlusta á þetta. Hann er mikilvægur hlutir af liðinu," sagði Wenger.

„Við erum með virkilega breiðan leikmannahóp. Það er líka það sem þarf ef lið ætla sér að ná árangri."