Allt í góðu milli Benítez og Gerrard

Búið er að hreinsa andrúmsloftið milli Rafael Benítez, knattspyrnustjóra Liverpool, og fyrirliðans Steven Gerrard. Liverpool vann nauman sigur á Everton um helgina en Benítez tók Gerrard af velli í leiknum.

Gerrard var síður en svo ánægður með ákvörðun stjóra síns. Nú hafa þeir tveir hinsvegar rætt málin og segir Benítez að allt sé í góðu milli þeirra.

„Í mínu starfi þarf maður að taka ákvarðanir sem maður telur hagnast liðinu. Þegar stefnt er á að vinna leik eru allir leikmenn jafnir í mínum augum," sagði Benítez.

„Ég skil vel hversu miklu máli svona nágrannaslagur skiptir fyrir Gerrard. Hann mun skilja að ég tók þessa ákvörðun mep liðið í huga. Það er állt í góðu milli okkar."