Ráðist á Englendinga í Moskvu

Ráðist var í dag á fjóra stuðningsmenn enska landsliðsins í Moskvu en Englendingar mæta Rússum þar í undankeppni EM 2008 í dag.

Talsmaður breska utanríkisráðuneytisins sagði að tveir þeirra hafa þegar fengið meðhöndlum við meiðslum sínum og að tveir myndu verða útskrifaðir síðar í dag.

Fjögur þúsund stuðningsmenn Englands eru staddir í Moskvu en leikur liðanna hefst klukkan 15.00 að íslenskum tíma.

Sex þúsund lögreglumenn eru staðsettir fyrir utan leikvanginn þar sem leikurinn fer fram og þá er ströng gæsla á þeim hótelum sem Englendingarnir gista á.

Leikurinn er gríðarlega mikilvægur en ef England vinnur eða liðin skilja jöfn komast þeir ensku í úrslitakeppni Evrópumótsins sem fer fram í Austurríki og Sviss á næsta ári.

Rússar verða að vinna til að halda í vonina um að komast áfram.