Bent ósáttur við jakkann hans Drogba

Eins og greint var frá hér á Vísi í morgun mættu margar af stjörnunum í ensku úrvalsdeildinni á æfingaleik í NBA deildinni sem haldinn var í London í gærkvöldi. Darren Bent, framherji Tottenham, var ekki sáttur þegar hann sá að Didier Drogba hafði keypt sér nákvæmlega eins jakka og hann.

"Ég keypti jakkann minn í búð í Chelsea en ég er ekki hrifinn af því að sjá Drogba í eins jakka," sagði Bent. Hann heldur með Cleveland í NBA deildinni, en ekki með Phoenix eins og einhver hefði haldið. Steve Nash, leikmaður Phoenix, er yfirlýstur stuðningsmaður Tottenham.

Á leiknum voru einnig þeir Anton Ferdinand, Carlton Cole og Hayden Mullins frá West Ham - og fyrrum leikmaður liðsins, Nigel Reo-Coker. Þá var Formúlu stjarnan Lewis Hamilton einnig á leiknum en hann sagðist eiga sér uppáhaldslið í NBA deildinni.

"Ég held reyndar með New York Knicks," sagði Hamilton sem fylgdist með Boston leggja Minnesota í gær.