Þú dekkar hann Brynjar

Steven Harper, leikmaður Reading, segist hafa fundið á sér að illa ætti eftir að fara þegar liðið sótti Portsmouth heim í sögulegum leik um daginn þar sem Portsmouth sigraði 7-4.

Harper segir að leikmenn Portsmouth hafi verið drúgir með sig þegar þeir gengu inn á Fratton Park þennan daginn. Hann segist hafa varað félaga sína í Reading við því að illa gæti farið.

"Fratton Park er uppáhaldsvöllurinn minn en þeir voru hrokafullir og heilsuðu mér ánægðir með sig þegar við gengum inn á völlinn. Þeir spurðu mig hvernig ég hefði það og mér fannst þeir allt of brattir. Ég sagði strákunum í Reading að ef við yrðum ekki klárir yrðum við malaðir - og það kom á daginn," sagði Harper.

Hann segir Portsmouth liðið afar erfitt viðureignar, ekki síst vegna líkamlegra burða leikmanna á borð við Papa Bouba Diop. "Þeir eru risavaxnir, sérstaklega Diop. Þegar þeir beittu háum sendingum var ekki möguleiki að vinna skallaeinvígi við hann. Hann er svo stór að hann var alltaf að klóra mig í andlitinu þegar hann hirti af mér skallaboltana. Ég gafst bara upp og sagði við Brynjar Björn - reynd þú að dekka þennan mann!" sagði Harper.