Tottenham á eftir Arshavin

Breska blaðið Daily Mail hefur í dag eftir umboðsmanni rússnenska vængmannsins Andrei Arshavin að hann sé undir smásjá Tottenham. Arshavin gagnrýndi markvörðinn Paul Robinson hjá Tottenham harðlega fyrir leik Englendinga og Rússa um daginn.

Tottenham fylgdist með Arshavin þegar hann spilaði með liði sínu Zenit frá Pétursborg á dögunum en hann átti líka fínan leik með Rússum gegn Englendingum.

Arshavin sagði fyrir leikinn að þó enska liðið væri sterkt, ætluðu Rússarnir að reyna að nýta sér veikasta hlekk liðsins - markvörðinn Paul Robinson sem leikur með Tottenham. Hann sagði að Robinson væri "vægt til orða tekið, ekki beint sterkasti markvörður í stéttinni," - og þá eru glappaskot hans í undanförnum leikjum ekki talin með.

Það verður því forvitnilegt að sjá hvernig þeim á eftir að semja ef Tottenham kaupir Arshavin, en ljóst er að Tottenham gæti vel notað vinstri kantmann í hóp sínum þar sem miðjumenn og hægri kantmenn hafa skipt með sér verkum undanfarin ár.

Arshavin er 26 ára gamall og er fyrirliði rússneska landsliðsins.