Gartside slefar yfir Bayern-leiknum

Stjórnarformaður Phil Gartside hjá Bolton segist í skýjunum yfir því að liðið hafi dregist í riðil með Bayern Munchen í Evrópukeppni félagsliða í morgun.

"Frá sjónarmiði græðginnar viðll maður auðvitað spila við Bayern á heimavelli því þá færðu frábæra sjónvarpssamninga. Við sögðum allir fyrir dráttinn að það yrði frábært að vera með Bayern í riðli. Byrjun okkar í deildinni hefur ekki verið sem best en leikurinn við Bayern gæti orðið lyftistöng fyrir liðið í komandi baráttu," sagði Gartside í samtali við Daily Mail.