Einkanúmer Ronaldo dýrara en bíllinn

Breska blaðið Sun greinir frá því að Cristiano Ronaldo hafi keypt sér nýjan Bentley á dögunum, sem væri ekki frásögum færandi nema hvað einkanúmerið sem hann fékk sér var dýrara en sjálfur bíllinn.

Bentley-inn sem Ronaldo keypti sér er sagður hafa kostað sléttar 15 milljónir króna. Hann lét ekki þar við sitja og fékk sér einkanúmerið CR7 - en það mun hafa kostað hann hvorki meira né minna en 25 milljónir króna.

Ronaldo er mjög upptekinn af tölunni 7 síðan hann fékk gamla númerið hans David Beckham hjá United og nýlega létt hann leggja töluna sjö í rauðum mósaík flísum í botninn á sundlauginni sinni - sundlauginni sem hann ku hafa skemmt sér í með vændiskonunum fimm fyrr í sumar.

Ronaldo var sagður hafa beðið Alex Ferguson um treyju númer 28 hjá United þegar hann kom fyrst til félagsins, en sá gamli skoraði á hann að taka við gömlu treyjunni hans Beckham - sem hann hefur borið með stæl allar götur síðan.