Benayoun bjargaði Liverpool

Ísraelsmaðurinn Yossi Benayoun bjargaði öllum þremur stigunum fyrir Liverpool í dag þegar liðið vann 1-0 baráttusigur á Wigan á útivelli. Benayoun kom inn sem varamaður og skoraði sigurmark gestanna með góðu einstaklingsframtalki á 75. mínútu.

Þeir rauðu voru betri í leiknum en baráttuglaðir heimamenn létu þá sannarlega hafa fyrir sigrinum. Fernando Torres fór illa með nokkur góð færi hjá Liverpool og segja má að liðið hafi verið heppið að sleppa með þrjú stig eftir að framherjinn Julius Aghahova fór illa með skalla af stuttu færi í uppbótartíma.

"Þegar maður er að leita að einhverju til að breyta leiknum þarf maður að kalla til menn sem hafa hugmyndaflug og hæfileika til að gera eitthvað sérstakt. Yossi gerir þetta fyrir okkur og það gerði hann svo sannarlega í dag," sagði Rafa Benitez, stjóri Liverpool.