Kenyon: Mourinho er lykill að árangri

Peter Kenyon, stjórnarmaður Chelsea, segir að knattspyrnustjórinn Jose Mourinho sé stór hluti af framtíðaráætlunum félagsins. „Það er nóg af umræðum í gangi um að ef við vinnum ekki þá verði Mourinho rekinn. Þannig hugsum við þó ekki," sagði Kenyon.

„Til að komast á hæsta stall þá verðum við að vinna tvo Evróputitla yfir tíu ára tímabil. Við munum vinna Meistaradeildina, það er bara spurning hvenær við gerum það," sagði Kenyon sem var á sínum tíma í æðsta valdahring Manchester United.

Kenyon á sóran þátt í því að hafa fengið Mourinho til Chelsea og segir að hann hafi ekki kynnst knattsapyrnustjóra sem er líkari Sir Alex Ferguson í starfi. Kenyon telur að þorsti Mourinho í árangur muni skila Chelsea í hæstu hæðir.