Sunderland kaupir markvörð fyrir metfé

Sunderland hefur náð samkomulagi við skoska landsliðsmarkvörðinn Craig Gordon. Sunderland borgar Hearts níu milljónir punda fyrir leikmanninn sem er hæsta upphæð sem að lið á Bretlandseyjum hefur borgað fyrir markvörð. Þetta er einnig hæsta upphæð sem að Sunderland hefur borgað fyrir leikmann í sögu félagsins.

Gordon hefur lengi verið á óskalista Roy Keane, knattspyrnustjóra Sunderland, en Keane sagði þó fyrir skömmu að hann væri hættur við að reyna að fá hann. Gordon hefur þegar staðist læknispróf hjá félaginu.