West Bromwich Albion kaupir Morrison frá Middlesbrough

West Bromwich Albion hefur keypt miðjumanninn James Morrison frá Middlesbrough á 1,5 milljónir punda, en kaupverðið gæti hækkað í 2,2 milljónir punda. Morrison, sem er 21 árs gamall, skrifaði undir fjögurra ára samning við West Bromwich.

Þrátt fyrir ungan aldur hefur leikmaðurinn spilað yfir 60 leiki í ensku úrvalsdeildinni og var reglulega í liði Middlesbrough sem komst í úrslitaleik Evrópukeppni félagsliða. Morrison skoraði átta mörk í samtals 98 leikjum fyrir Middlesbrough.