Henry segir Ljungberg hafa rétt á að gera það sem hann vill

Thierry Henry segir að fyrrverandi félagi sinn hjá Arsenal, Freddie Ljungberg, sé fullorðinn maður og hafi rétt á hafa sínar skoðanir. Ljungberg yfirgaf Arsenal fyrir skömmu til að ganga til liðs við West Ham og segist efast um metnað Arsenal. Ljungberg sagði einnig að brottför Henry til Barcelona hafi opnað augu sín og þá hafi hann ákveðið að yfirgefa klúbbinn.

„Ljungberg er fullorðinn maður og segir það sem hann vill segja. Ég óska honum alls hins besta," sagði Henry. „Það er skrýtið að hann sé að fara að spila fyrir West Ham, en allir hafa rétt á að taka eigin ákvarðanir og hann gerði það sem hann vildi."