Shambo skal felldur

Líf hins heilaga nauts Shambo hangir enn á bláþræði en áfrýjunardómstóll hefur úrskurðað að það eigi að slátra honum.

Shambo, sem býr í hindúaklaustri í Wales, greindist fyrir skömmu með berkla og fyrirskipuðu heilbrigðisyfirvöld að hann skyldi felldur. Hindúar um heim allan mótmæltu þessu, og ákvað undirréttur að lífi Shambo skyldi þyrmt. Áfrýjunardómstóllinn var á annarri skoðun og ákvarðaði að hann skyldi felldur. Munkarnir hyggjast áfrýja málinu til hæstaréttar. Þeir segja málið snúast um trúfrelsi sitt, en samkvæmt hindúatrú harðbannað er að slátra nautgripum.