Ecclestone útilokar ekki að kaupa Arsenal

Formúlumógúllinn Bernie Ecclestone segist ekki útiloka að gera kauptilboð í knattspyrnufélagið Arsenal ef hann sér hag í því. Bandaríski auðkýfingurinn Stan Kroenke hefur þegar verið orðaður við yfirtöku í félaginu, en Ecclestone íhugaði á sínum tíma að gera yfirtökutilboð í Chelsea.

Ef til þess kæmi að Ecclestone gerði tilboð í Arsenal ættu fjárhagsstaða hans ekki að koma í veg fyrir það, því talið er að hinn 76 ára gamli Ecclestone hafi rakað inn meira en 3 milljörðum punda á tíma sínum í Formúlu 1. Hann er einnig góður vinur fráfarandi stjórnarmanns í Arsenal, David Dein.

"Ef einhver býður mér eitthvað og ég tel að ég geti hagnast á því - hika ég ekki við að gera það," sagði Ecclestone. "Ég hef áhuga á öllu sem er nógu ódýrt."