Van der Sar íhugar að hætta næsta vor

Hollenski markvörðurinn Edwin van der Sar hjá Manchester United segir að mögulega verði næsta leiktíð hans síðasta hjá félaginu. Samningur hans rennur út næsta sumar og hann viðurkennir að hann hafi ekki verið sáttur við frammistöðu sína með liðinu í lokaleikjunum á síðustu leiktíð.

"Ég náði ekki þeim stöðugleika sem ég óskaði mér undir lok tímabilsins. Ég er á því stigi á ferlinum að ég tek allar ákvarðanir um framtíðina skref fyrir skref. Maður verður líka að hafa 100% drifkraft í því sem maður er að gera og ef maður hefur hann ekki lengur þarf maður að hugsa um að fara í neðri deildirnar eða hætta," sagði markvörðurinn.