City neitaði tilboði Besiktas í Vassell

Sven-Göran Eriksson og félagar hjá Manchester City neituðu í dag kauptilboði tyrkneska félagsins Besiktas í framherjann Darius Vassell. Þetta er talið benda til þess að Vassell muni spila stórt hlutverk hjá Eriksson á næstu leiktíð, en hann var aðallega notaður sem útherji á síðustu leiktíð og náði sér aldrei á strik í markaskorun fyrir vikið.

Eriksson valdi Vassel í enska landsliðið þegar hann var við stjórnvölinn þar og var hann í hópnum bæði á HM 2002 og EM 2004. Vassell er 27 ára gamall og gekk í raðir City fyrir 2 milljónir punda frá Aston Villa árið 2005. Hann hefur skoraði 15 mörk í 77 leikjum fyrir Manchester City.