Amnesty segir Rússa og Kínverja brjóta vopnasölubann

Mannréttindasamtökin Amnesty International saka Kínversk og rússnesk stjórnvöld um að brjóta vopnasölubann Sameinuðu þjóðanna sem stemma á stigu við óöldinni í Darfur héraði í Súdan. Þetta kemur fram í nýrri skýrslu samtakanna þar sem fullyrt er að vopn frá þessum þjóðum endi hjá Janjaweed hersveitunum sem studdar eru af stjórnvöldum í landinu.

Í skýrslunni er meðal annars að finna myndir sem þykja sanna að Súdanski flugherinn noti kíverskar þotur og rússneskar herflugvélar til hernaðar á svæðinu.

Súdanar hafa þegar afneitað skýrslunni og segja ásakanirnar tilhæfulausar.