Sara vann gull á Norðurlandamótinu í Taekwondo

Sara Magnúsdóttir úr Fjölni Reykjavík vann gull á Norðurlandameistaramótinu í Taekwondo í unglingaflokki - 68 kg flokki. Mótið var haldið í Stokkhólmi í dag. Sara byrjaði að æfa Taekwondo 6 ára að aldri í Bandaríkjunum og þjálfaði hjá Danielle Laney sem hlaut bronsverðlaun í Taekwondo á Ólympiuleikunum á Spáni árið 1992. Við komuna til Íslands árið 2002 fór Sara að æfa Taekwondo hjá Fjölni í Grafarvogi. Sara hefur tvisvar verið Oklahoma meistari í barnaflokki og hefur unnið silfur og bronsverðlaun á fylkismótum í USA - þ.m.t. í St. Louis Missouri, San Antonio Texas - sem og unnið til bronsverðlauna á Junior Olympics árið 2001. Sara hefur einnig unnið til ýmissa verðlauna á Íslandi - bæði á Reykjavíkurmótum og Íslandsmótum.

Sara fékk svarta beltið í Taekwondo þegar hún var búsett í Bandaríkjunum þegar hún var aðeins 11 ára gömul.

Adrian Rodriges úr Björk vann brons í -63 kg. flokki.