Börn hengdu sig eftir aftöku Saddams

Grunur leikur á að aftaka Saddams Hússeins og myndskeið sem birt hefur verið af hengingunni hafi valdið því að þrjú börn og unglingar hafa hengt sig í vikunni. Talið er að tvö barnanna hafi einungis verið að leik með þessum hræðilegu afleiðingum en þriðja stúlkan, á táningsaldri, varð harmþrungin við dauða Saddams og vildi fylgja honum.

Indverska stúlkan Moon Moon varð harmi slegin við að sjá myndirnar af fyrrverandi forseta Íraks. Að sögn fjölskyldu hennar neitaði hún að borða og sagði að Saddam hefði verið þjóðhetja. Fjölskyldan tók hana ekki alvarlega þegar hún sagðist vilja finna sársauka Saddams við aftökuna en svo kom fjölskyldan að henni þar sem hún hafði hengt sig í snöru úr þakviftunni.