Keypt á 250 dollara, seld á 15 milljónir

Bandarískur safnari sem keypti mynd af Marilyn Monroe eftir Andy Warhol á 250 dollara árið 1962 getur búist við því að hún seljist á yfir 15 milljónir dala nú, verðið hefur því 60 þúsund-faldast.. Myndin verður boðin upp af uppboðshúsinu Christie's. Þetta er ein af 13 olíumyndum sem Warhol málaði af þokkadísinni.

Önnur mynd úr sömu seríu seldist á rúmar 16 milljónir dala á síðasta ári. Verkið verður til sýnis hjá Christie's í London fram á miðvikudag en verður boðið upp í New York þann 16. maí.