Babel hlustaði ekki á landsliðsþjálfarann

Ryan Babel hlustaði ekki á aðvaranir landsliðsþjálfarans Marco van Basten þegar hann ákvað að ganga í raðir Liverpool á dögunum, en Van Basten sagði drengjunum í U-21 árs liði Hollendinga að þeim væri hollast að halda sig í röðum liða í heimalandinu ef þær ætluðu að eiga möguleika á að komast í landsliðið fyrir EM 2008.

"Van Basten talaði við alla í U-21 árs hópnum og sagði þeim að það væri betra fyrir þá að leika í Hollandi ef þeir ætluðu sér að vinna sér sæti í A-landsliðinu. Það hvarflaði hinsvegar ekki að mér að segja nei þegar ég frétti að Liverpool hefði áhuga á að fá mig og ég hef næga trú á hæfileikum mínum til að trúa að ég geti unnið mér sæti í landsliðinu í tíð minni hjá Liverpool," sagði hinn tvítugi Babel.