Engar sannanir fyrir morðum

Engar sannanir hafa fundist fyrir því að tveir þýskir ríkisborgarar hafi verið drepnir af talibönum í gær. Talibanar rændu Þjóðverjunum ásamt fimm Afgönum á miðvikudag í Wardak-héraði í Afganistan. Sögðust talibanarnir hafa drepið Þjóðverjana vegna þess að þýsk stjórnvöld vildu ekki draga þrjú þúsund manna herlið sitt frá Afganistan.

Stjórnvöld í Afganistan telja aftur á móti að annar Þjóðverjanna hafi látist úr hjartaáfalli og að hinn sé enn á lífi. „Allt bendir til þess að hann hafi látist vegna álagsins sem fylgdi mannráninu,“ sagði Frank-Walter Steinmeier, utanríkisráðherra Þýskalands.