Sleppt úr varðhaldi

Kona sem var handtekinn vegna gruns um aðild að bílasprengjum í London og flugvellinum í Glasgow hefur verið látin laus, samkvæmt heimildum breska ríkisútvarpsins. Hin 27 ára gamla Marwa Asha var handtekin ásamt eiginmanni hennar á M6 hraðbrautinni í Chesire 30 júní síðastliðinn.

Íraskur læknir, Bilal Abdulla, hefur verið ákærður fyrir aðild að tilræðinu. Réttur í Westminister úrskurðaði hann í gæsluvarðhald síðastliðinn laugardag. Hann er ákærður fyrir samsæri um að valda sprengingunum.

Lögreglan er enn að yfirheyra fjóra aðra aðila sem handteknir voru vegna málsins.