Tvö mest notuðu sykursýkislyfin tvöfalda hættu á hjartasjúkdómum

Talið er að lyfin Avandia og Actos, sem eru tvö af mest notuðu sykursýkislyfjum í Bretlandi og seld eru hér á landi, tvöfaldi hættuna á hjartasjúkdómum. Í Bretlandi hefur notkun lyfjanna tvöfaldast á síðustu þremur árum, vegna aukinna offituvandamála.

Breska blaðið Guardian segir að síðasta ári hafi 1800 þúsund lyfseðla verið skrifaðir út í Bretlandi vegna lyfjanna. Vísindamennirnir telja að það jafngildi því að sjö hundruð þúsund sjúklingar noti lyfin, en Heilbrigðisstofnun Breta hefur mælt með notkun þeirra.

Þessi lyf eru á markaði hér á landi og njóta nokkurra vinsælda. Í tilkynningu frá Lyfjastofnun Íslands síðan í maí, segir að þegar lyfið var skráð í Evrópu árið tvö þúsund, hafi þessi aukaverkun verið þekkt og sjúklingum með sögu hjartasjúkdóma ekki ráðlagt að nota það. Þá var mælt með að ráðfæra sig við lækni um notkunina.