Sökk til botns út af Jótlandi

Sovéskur kafbátur frá Kaldastríðsárunum sökk út af ströndum Jótlands á mánudag. Kafbáturinn var bæði mannlaus og vopnlaus og átti að fara á safn í Taílandi.

Báturinn var í togi áleiðis til Taílands þegar vatn komst inn í hann og sökk hann skömmu síðar. Áhöfn dráttarbátsins varð að hafa hraðar hendur og skera á dráttartaugarnar til þess að dráttarbáturinn sykki ekki líka.

Kafbáturinn var af gerðinni Whiskey. Sovétmenn byggðu meira en 200 slíka kafbáta og hafa margir þeirra verið til sölu undanfarið.