Hörð viðbrögð við dómsátt

Dómsátt sem gera á fyrrverandi forseta Ísraels kleift að komast hjá nauðgunarákæru og hugsanlegum fangelsisdómi hefur vakið upp hörð og óvænt viðbrögð í Ísrael.

Dómsáttin milli saksóknara og Moshe Katsav, sem lét af embætti forseta í gær, gengur út á að aðeins verði réttað yfir honum fyrir veigaminni brot en nauðgun og hann yrði aðeins dæmdur í skilorðsbundið fangelsi.

Fyrst þegar ríkissaksóknari bar ákærurnar fram í janúar náði hún yfir brot sem varða allt að 20 ára fangelsi.

Fjölmenn mótmæli voru vegna málsins í Tel Aviv um helgina.