Sir Alex ánægður með sóknarmenn sína

Sir Alex Ferguson, knattspyrnustjóri Manchester United, segist ánægður með sóknarleik liðsins á tímabilinu þrátt fyrir það að liðinu hefur ekki gengið vel að skora. Fimm af síðustu sjö leikjum liðsins hefur endaði með 1-0 sigri.

Ferguson telur að það sé bara tímaspursmál hvenær nýi sóknardúettinn, Wayne Rooney og Carlos Tevez, fari að skila inn mörkum á færibandi.

"Sóknarmennirnir hafa hægt og rólega verið að finna sig. Það er alveg ástæða fyrir þessari hægu byrjun. Wayne var að kljást við meiðsli og Tevez missti af undirbúningstímabilinu. Þeir verða betri með hverjum leiknum og þannig verður það áfram," sagði Ferguson.

"Wayne er í nokkuð nýju hlutverki. Hann getur haldið sér enn framar á vellinum á meðan Carlos dregur sig aðeins aftur. Þeir eru báðir fjölhæfir og með góðan leikskilning. Fyrr en varir fara þeir að smellpassa saman."