Ummæli um árásir gagnrýnd

 Varnarmálaráðherra Japans, Fumio Kyuma, sagði af sér í gær vegna ummæla sem hann lét falla um að kjarnorkuárásir Bandaríkjamanna á Hírósíma og Nagasakí árið 1945 hefðu verið óumflýjanleg leið til að binda endi á stríðið.

Ummæli Kyumas voru gagnrýnd harðlega í landinu því margir líta svo á að kjarnorkuárásirnar hafi verið óréttlætanleg slátrun á óbreyttum borgurum.

Þjóðaröryggisráðgjafi japönsku ríkisstjórnarinnar, Yuriko Koike, tekur við embætti varnarmálaráðherra af Kyuma. Hún er fyrsta konan sem gegnir embættinu í Japan.