Beckham ekki lánaður til Sunderland

Talsmaður David Beckham hefur neitað þeim orðrómi að hann verði lánaður til enska úrvalsdeildarliðsins Sunderland.

Daily Mirror greindi frá því í morgun að Roy Keane, stjóri liðsins og fyrrum samherji Beckham hjá Manchester United, hefði áhuga að fá Beckham til liðsins til skamms tíma.

„Hann verður ekki lánaður og hann skrifar ekki undir skammtímasamninga. Hann er samningsbundinn LA Galaxy.“

Keane hefur áður fengið gamla liðsfélaga til Sunderland, þá Andy Cole og Dwight Yorke.