Gott að vera laus frá Chelsea

Jose Mourinho segir að sér sé léttir að vera laus frá Chelsea ef marka má það sem dagblaðið Sun hefur eftir honum í dag. Mourinho yfirgaf Stamford Bridge í síðasta sinn í gær eftir þriggja ára starf.

"Út frá starfslegu- og persónulegu sjónarmiði er gott að vera laus. Mér er mjög létt og ég sé ekki eftir þessu," sagði Mourinho. "Ég er stoltur af því sem ég gerði hjá Chelsea - ekki aðeins með liðið heldur hef ég haft djúpstæð áhrif á stuðningsmennina, borgina, andstæðingana og deildina," var haft eftir Mourinho.