Varaforseti FIFA: „England óvinsæl knattspyrnuþjóð“

Varaforseti FIFA, Jack Warner, heldur því fram að England sé svo óvinsæl knattspyrnuþjóð að beiðni þeirra um að fá að halda heimsmeistarakeppni landsliða árið 2018 sé dauðadæmd. England hefur einu sinni fengið að halda keppnina en það var árið 1966, eina skiptið sem Englendingar urðu heimsmeistarar.

„Ef að heimsmeistamótið verður haldið í Evrópu árið 2018 er ég nokkuð viss um að England hreppi ekki hnossið," sagði Warner. „Keppnin verður þá frekar haldin á Spáni eða Ítalíu, jafnvel Frakklandi. Enginn í Evrópu þolir England. England fann upp knattspyrnuna en hefur aldrei haft nein áhrif á íþróttina í heiminum. England hefur aldrei verið stutt eða elskað í Evrópu."