Hargreaves: Við erum bestir

Það verður risaslagur í enska boltanum um næstu helgi þegar Manchester United heimsækir Arsenal. Þetta eru liðin tvö sem hafa verið að spila langskemmtilegasta boltann á Englandi um þessar mundir og eru í tveimur efstu sætunum.

Owen Hargreaves, miðjumaður Manchester United, er sannfærður um að hans lið sýni það um helgina hvert sé besta lið Englands.

„Arsenal hefur verið að spila stórkostlega en ég er samt á því að við séum með besta lið Englands. Við erum að vinna leiki okkar af miklu öryggi en erum samt ekki búnir að ná upp okkar besta leik," sagði Hargreaves.

„Það er allavega ljóst að þessi leikur verður frábær skemmtun fyrir unnendur fótbolta," sagði Hargreaves.