Bandaríkjadvölin hefur ekki áhrif á landsliðsferil Beckham

Steve McClaren, landsliðsþjálfari Englands, segir að sú staðreynd að David Beckham skuli spila með LA Galaxy í Bandaríkjunum muni ekki hafa áhrif á stöðu hans í landsliðinu. McClaren flaug til Bandaríkjanna í síðustu viku til að til að ræða við Beckham um ástand hans og til að sjá leik í bandarísku deildinni með eigin augum.

Þrátt fyrir að talið sé að Beckham verði valinn í hópinn sem mætir Þjóðverjum í vináttuleik á föstudaginn, er ekki líklegt að hann muni spila vegna meiðsla á ökkla. McClaren er sannfærður um að Beckham sé tilbúinn til að spila stórt hlutverk fyrir landsliðið í undankeppni EM.

„Það var mikilvægt að sjá í hvernig ástandi Beckham er og einnig að kynnast forráðamönnum LA Galaxy," sagði McClaren. „Svo lengi sem að Beckham er að spila alvöru leiki og heldur sér í formi verður hann okkur mjög mikilvægur."