Stúlku nauðgað í jólateiti Manchester United

Lögreglan í Manchester er nú að rannsaka meinta nauðgun sem átti sér stað á hóteli í borginni á sama tíma og lið Manchester United hélt þar jólaveislu. Enginn hefur enn verið handtekinn og enn sem komið er bendir ekkert til þess að leikmenn félagsins séu viðriðnir málið.

Lögregla var kölluð á Great John Street hótelinu í gær eftir að 26 ára gömul stúlka tilkynnti að henni hefði verið nauðgað. Starfsfólk á hótelinu var yfirheyrt í dag og breska blaðið Sun segir leikmenn United slegna yfir þessum tíðindum.