Newcastle fær 13 milljónir á viku vegna Owen

Enska úrvalsdeildarfélagið Newcastle gæti fengið allt að 13 milljónir króna á viku í tryggingabætur á meðan framherjinn Michael Owen er frá keppni vegna meiðsla sem hann varð fyrir þegar hann spilaði með enska landsliðinu.

Owen meiddist á læri í vináttuleiknum gegn Austurríki á dögunum, en enska knattspyrnusambandið er tryggt gegn svona áföllum og þarf því ekki að koma að þessum kostnaði.

Newcastle fékk 6 milljónir punda frá knattspyrnusambandinu, FIFA og tryggingunum þegar Owen meiddist með landsliðinu á HM í fyrrasumar og var frá keppni í meira og minna eitt ár.