Sissoko fær stuðning Benítez

Rafael Benítez, knattspyrnustjóri Liverpool, segist handviss um að Mohames Sissoko fari aftur að sýna sínar bestu hliðar innan skamms. Sissoko hefur verið harðlega gagnrýndur fyrir dapra frammistöðu í upphafi tímabils.

Benítez segir að sjálfstraust Sissoko sé í lágmarki eins og staðan sé í dag. Hann er þó viss um að sjálfstraustið komi aftur. „Hann gerir allt sem í hans valdi stendur til að leika vel. Það verða stuðningsmenn að virða," segir Benítez.

„Momo var lykilmaður þegar við náðum í 82 stig í úrvalsdeildinni. Eftir leikinn gegn Marseille ræddi ég við hann og sagði honum að halda áfram. Ég hef fulla trú á honum."