Stærsti flokkur þingsins í vanda

Stjórnarflokkur Austur-Tímor, Fretilin, er stærsti flokkur þingsins eftir kosningar um helgina, en þarf að ræða við aðra flokka um myndun meirihlutastjórnar.

Flestir stjórnarandstöðuflokkanna lýstu því yfir að þeir vildu ekki starfa með Fretilin. Þetta gæti þýtt að flokkurinn lenti í stjórnarandstöðu, þrátt fyrir 29 prósent atkvæðanna.

Líklegasta niðurstaðan verður þá samsteypustjórn undir forystu flokks sjálfstæðishetjunnar Xanana Gusmao, sem fékk 26 prósent atkvæða.