700 gáfust upp

Meira en 700 róttækir fylgismenn Rauðu moskunnar í Islamabad, höfuðborg Pakistans, sem pakistanski herinn hefur setið um í nokkra daga, gáfust upp í gær. Sextán manns létu lífið í átökum á milli fylgismanna moskunnar og hersins á þriðjudag. Frestur fylgismanna moskunnar til að gefast upp rann út í gærmorgun.

Talið er að mörg þúsund manns séu inni í moskunni og hafa yfirvöld í Pakistan lofað konum og börnum friðhelgi ef þau gefast upp en að menn sem hafi tekið þátt í bardögum við herinn verði sóttir til saka.

Bardagar héldu áfram við moskuna í gær.