Herstöðvasamningar staðfestir

Rúmenía, AP Rúmeníuþing samþykkti á miðvikudag með yfirgnæfandi meirihluta samninga um að heimila Bandaríkjaher afnot af fjórum herstöðvum í Rúmeníu til næstu tíu ára og að hafa þar allt að 3.000 hermenn.

Calin Popescu Tariceanu forsætisráðherra bar lof á samningana, sem undirritaðir voru í desember 2005. Hann sagði að í áratugi eftir árið 1945 hefðu margir Rúmenar „aðeins haft eina von: að bandarískir hermenn kæmu og frelsuðu okkur undan kommúnisma.“ Nú sé Rúmenía hins vegar „ekki lengur fórnarlamb í leit að bjargvætti, heldur bandamaður Bandaríkjanna í baráttunni gegn hryðjuverkum.“

Gert er ráð fyrir að Bandaríkjamenn taki við Mihail Kogalniceanu-herflugvellinum nærri Constanta síðar á árinu. -