Hefur engar áhyggjur

Sven-Göran Eriksson, knattspyrnustjóri Manchester City, er handviss um að Micah Richards muni skrifa undir nýjan samning við félagið. Núgildandi samningur leikmannsins er reyndar til ársins 2010.

Richards er framtíðarstjarna en þessi nítján ára nautsterki piltur er orðinn enskur landsliðsmaður. Mörg stórlið hafa hann á óskalista sínum en City mun gera allt til að halda honum.

Richards er með nýjan samning frá City á borðinu sem hann hefur enn ekki skrifað undir. Eriksson segist þó lítið kippa sér upp við það, hann sé handviss um að Richards skrifi undir. Það sé ekki spurning hvort heldur aðeins hvenær.